2026 jyldyń qańtar-sáýir ailary aralyǵynda Qazaqstanda 1926 egiz jáne 54 úshem dúniege keldi, dep habarlaidy ult.kz.
Ulttyq statistika biýrosynyń málimetterine sáikes, atalǵan kezeńde elimizde tórtemder tirkelmegen.
Egizderdiń eń kóp sany Túrkistan oblysynda tirkelgen. Óńirde tórt ai ishinde 263 egiz dúniege kelgen. Bul kórsetkish boiynsha Almaty qalasy ekinshi orynda tur – 245 egiz, al Almaty oblysynda 175 egiz tirkelgen.
Al úshemderdiń sany boiynsha Túrkistan oblysy, Atyraý oblysy jáne Shymkent qalasy aldyńǵy qatardan kórindi. Ár óńirde úsh úshemnen dúniege kelip, jalpy sany toǵyz náresteni quraǵan.
Mamandardyń aitýynsha, egizder men úshemderdiń dúniege kelýi tabiǵi faktorlarmen qatar, zamanaýi reprodýktivtik tehnologiialardyń damýyna da bailanysty bolýy múmkin.
Jalpy, kópbalaly bosanýlar kórsetkishi elimizdegi demografiialyq ósimniń oń qarqynyn kórsetedi.
