Energetika ministrligi kómir himiiasyn damytý baǵytyn kómir ónerkásibin jańǵyrtýdyń jáne shikizatty tereń óńdeý arqyly joǵary qosylǵan quny bar óndirister qalyptastyrýdyń negizgi tetikteriniń biri retinde qarastyrady, dep habarlaidy ult.kz.
Búginde kómir himiiasy salasynda úsh iri joba júzege asýda.
Qaraǵandy oblysynda jylyna 1 mln tonna metallýrgiialyq koks óndiretin zaýyttyń qurylysy júrgizilýde. Jobany iske asyrý nátijesinde 500-ge deiin jańa jumys orny ashylady.
Sonymen qatar Pavlodar jáne Qaraǵandy oblystarynda kómirden dizel otynyn óndiretin, árqaisysynyń qýaty jylyna 100 myń tonnany quraityn eki joba júzege asyrylýda.
Budan bólek, taǵy úsh perspektivaly joba pysyqtalýda.
Qaraǵandy oblysynda taskómir shaiyryn qaita óńdeýdi, benzol óndirýdi jáne koks gazyn tazartýdy qamtityn koks-himiia óndirisin qurý máselesi qarastyrylýda.
Abai oblysynda ammiak pen karbamid óndirý jobasy pysyqtalýda.
Taǵy bir perspektivaly joba kómirden gaz óndirýdi kózdeidi. Qazirgi ýaqytta jobany iske asyrý alańy aiqyndalýda.
Qazaqstannyń bai kómir qory jańa joǵary tehnologiialyq óndirister qurýǵa jáne kómirdi tereń óńdeý múmkindikterin keńeitýge múmkindik beredi.
