Adamnyń damýy men bilimi eldiń basty basymdyqtary dep atalǵan jańa Konstitýtsiia kúshine engennen keiin, Oqý-aǵartý ministrligi bastaýysh synyptarda oqý protsesin tolyǵymen qaita qurýǵa sheshim qabyldady, dep habarlaidy ult.kz.
Oqý-aǵartý ministri Juldyz Súleimenova Úkimet otyrysynda balalarǵa ońai ári túsinikti bolatyn mektep baǵdarlamalaryn jańartý týraly aityp berdi.
Onyń aitýynsha, negizgi maqsat – oqý júktemesin ońtailandyrý, oqý materialynyń sabaqtastyǵyn qamtamasyz etý jáne oqýshylardyń oqý, jazý, matematikalyq jáne fýnktsionaldyq saýattylyǵynyń berik negizin qalyptastyrý. Atap aitqanda, 1–4-synyptarǵa arnalǵan «Matematika» páni boiynsha 244 oqý maqsaty tolyq qaita qaraldy. Baǵdarlama neǵurlym praktikalyq boldy: kúrdeli taqyryptardyń úshten biri jeńildetildi, al balalarǵa jasyna sáikes kelmeitin sabaqtardyń shamamen 14% - y alynyp tastaldy nemese orta mektepke aýystyryldy. Sonymen qatar birinshi synyp oqýshylary úshin jyldyń basynda arnaiy beiimdelý kezeńi engiziledi.
Tildik pánderdiń mazmuny da aitarlyqtai jańartyldy. Álippege deiingi kezeń 12 saǵatqa deiin uzartyldy, «Álippe» pánin oqytýǵa 84 saǵat bólindi, al «Ana tili» páni ekinshi jartyjyldyqta oqytylady. Sondai-aq, oqytýdy qazaq tilinde alǵash bastaityn balalar úshin arnaiy tildik beiimdeý baǵdarlamasy engiziledi.
«Oqytýdy qazaq tilinde alǵash bastaityn balalar úshin arnaiy tildik beiimdeý baǵdarlamasy engiziledi. Baǵdarlamamen qamtý kórsetkishin 2026 jyly – 50%-ǵa, 2027 jyly – 80%-ǵa, al 2028 jyly – 100%-ǵa jetkizý josparlanyp otyr. Jańartylǵan oqý baǵdarlamalaryn júzege asyrý nátijesinde matematika jáne tildik pánder boiynsha bilim sapasyn 2027 jyly 15%-ǵa, al 2028 jyldyń qorytyndysy boiynsha 35%-ǵa arttyrý kózdelgen», — dep atap ótti Juldyz Súleimenova.
