«Qazaqstan» jáne «Qazsport» telearnalary Golovkin-Sheremeta jekpe-jegin tikelei efirde kórsetedi, dep habarlaidy "Ult aqparat".
Kásipqoi bokstan orta salmaqtaǵy IBF jáne IBO tujyrymdary boiynsha álem chempiony Gennadii Golovkin (40-1-1, 35 KO) AQSh-tyń Florida shtatyndaǵy Hollivýd qalasynda poliak boksshysy Kamil Sheremetamen (21-0, 5 KO) jekpe-jek ótkizedi.
38 jastaǵy jerlesimiz sharshy alańǵa sońǵy ret 2019 jyldyń qazan aiynda ýkrainalyq Sergei Derevianchenkoǵa qarsy shyqqan edi. 31 jastaǵy Sheremetamen ótetin jekpe-jekte Golovkin IBF tujyrymy boiynsha álem chempiony ataǵyn qorǵaidy.
Boks keshi aiasynda qazaqstandyq kásipqoi boksshy, ekinshi orta salmaqtaǵy WBC International Silver chempiondyq belbeýiniń iegeri Áli Ahmedov (16-0, 12 KO) kezekti jekpe-jegin ótkizedi.
Áli Ahmedov 18 kezdesýdiń barlyǵynda jeńiske jetip, 13 qarsylasyn nokaýtpen utqan 31 jastaǵy ekvadorlyq Karlos Gongoramen judyryqtasady.
«Qazaqstan» jáne «Qazsport» telearnalary boks keshin 19 jeltoqsanda tikelei efirde kórsetedi. Transliatsiia Nur-Sultan ýaqytymen tańǵy 4-te bastalady.
