Premer-ministr Oljas Bektenovtiń tóraǵalyǵymen ótken Úkimet otyrysynda Qazaqstan Respýblikasynyń Konstitýtsiiasyn sapaly júzege asyrý jónindegi sharalar qaraldy, dep habarlaidy ult.kz.
«Búgin Qazaqstan Respýblikasynyń jańa Konstitýtsiiasy kúshine endi. Bul – elimizdiń aldaǵy onjyldyqtardaǵy damý baǵdaryn aiqyndaityn negizgi qujat. Ata zańnyń qabyldanýy Qasym-Jomart Kemeluly Toqaevtyń basshylyǵymen júzege asyrylyp jatqan elimizdi jańǵyrtýdyń jańa kezeńin azamattarymyzdyń jappai qoldaitynyn anyq kórsetti.
Jańa Konstitýtsiia ekonomikalyq kórsetkishtermen ǵana ólshenbeitin ozyq ári qarqyndy damýdyń berik institýtsionaldyq negizin qalyptastyrady.
Prezident jahandyq ózgeristerdiń kóshin qýyp jetýmen ǵana shektelmei, jańa ekonomikalyq ahýaldy qalyptastyratyn belsendi qatysýshyǵa ainalýymyz kerek ekenin atap ótýde.
Júrgizilip jatqan reformalardyń barlyǵy dál osy mindetterdi júzege asyrýǵa baǵyttalǵan. Al, olardyń túp negizinde jańa Konstitýtsiiamyz tur», — dep atap ótti Premer-ministr.
Premer-ministr barlyq memlekettik jáne qoǵamdyq institýttardy túbegeili jańǵyrtý bastalǵanyn atap ótti.
«Júzege asyrylyp jatqan ózgeristerdiń barlyǵy qoǵamdaǵy turaqtylyqty odan ári saqtaý, azamattardyń ál-aýqatyn laiyqty deńgeide qamtamasyz etý, «Zań men Tártip» qaǵidatyn nyǵaitý, sondai-aq qazaqstandyqtardyń ozyq oily ári joǵary intellektýaldy býynyn qalyptastyrýǵa baǵyttalǵan», — dep atap ótti Oljas Bektenov.
