El tarihynda tuńǵysh ret olimpiadalyq quramanyń formasy qazaqsha "QAZAQSTAN" degen ataýmen shyǵady, dep habarlaidy "Ult aqparat" Olympic.kz saityna silteme jasap.
Mańyzdy elementti halyqaralyq belgiden ulttyq belgige ózgertý úshin Halyqaralyq Olimpiada komitetinen arnaiy ruqsat alyndy. Bul rette Qazaqstan HOK-tyń úsh áriptik kodtarynyń tiziminde KAZ belgisimen qala beredi. Óitkeni abbreviatýra halyqaralyq standartqa sáikes paidalanylady.
Qazaqstan UOK ana tilinde daiyndalǵan olimpiadalyq kiim-keshektiń mańyzdy elementteriniń biri atletterge senimdilik berip, olar úshin otandastardy qoldaýdyń simvolyna ainalatynyna senedi.
"Olimpiada oiyndary - eń aldymen úzdik atletter óz bairaǵymen shyǵatyn dostyq pen beibitshiliktiń úlken festivali. Bul tek sportshylar úshin ǵana emes, óz komandalaryn qoldaityn barlyq jankúier úshin mańyzdy oqiǵa. Olimpiada kezindegi kez – kelgen jabdyqqa basty nazar aýdarylady. Sondyqtan el ataýynyń "QAZAQSTAN" dep jazylýy - ulttyq quramany jáne búkil eldi álemdik qaýymdastyq aldynda óte mańyzdy qadam bolyp sanalady. Qazaq mádenietiniń ulttyq elementteri forma dizainynda halyqtyń salt-dástúrleri men ózindik ereksheligin erekshe atap ótý úshin árqashan da mańyzdy ról oinaityn. Bizdiń sheteldik áriptesterimiz jańa jazýǵa joǵary baǵa berdi. Bizdiń atletterge de formanyń jańa elementi unaitynyna senimdimiz. Olimpiadashylar - Qazaqstannyń sheteldegi mańyzdy elshileri. Sondyqtan bizdiń otandastarymyz bizdiń komandamyzǵa - óz komandasyna qoldaý kórsetedi dep úmittenemiz", - dep atap ótti elimizdiń Ulttyq Olimpiadalyq komitetinde.
Beijińdegi qysqy Olimpiada oiyndaryna sportshylar jańartylǵan formada attanady. Kóp uzamai barsha qazaqstandyq jańa formamen tanys bolady.
