Májilis Qazaqstan men Ózbekstan Úkimetteri arasyndaǵy Transshekaralyq sý obektilerin birlesip basqarý jáne utymdy paidalaný týraly kelisimdi ratifikatsiialady, dep habarlaidy ult.kz.
Qujatqa 2025 jylǵy 15 qarashada Qazaqstan Prezidenti Qasym-Jomart Toqaevtyń Ózbekstanǵa memlekettik sapary aiasynda qol qoiylǵan. Onyń maqsaty – transshekaralyq sý obektilerin tiimdi birlesip basqarýdy, utymdy paidalanýdy, sondai-aq memleketaralyq mańyzy bar sý sharýashylyǵy qurylysjailaryn qaýipsiz paidalanýdy qamtamasyz etý.
Kelisimde transshekaralyq sý obektileri men memleketaralyq paidalanylatyn sý sharýashylyǵy qurylystaryn birlesip basqarý jáne utymdy paidalaný jónindegi Qazaqstan-Ózbekstan úkimetaralyq komissiiasyn qurý kózdeledi. Komissiia sý yntymaqtastyǵy máseleleri boiynsha taraptardyń ózara is-qimylyn úilestirýmen ainalysatyn bolady.
Kelisimdi ratifikatsiialaý Qazaqstan men Ózbekstan arasyndaǵy sý resýrstary salasyndaǵy uzaq merzimdi ári ózara tiimdi yntymaqtastyqty nyǵaitýǵa, sýdy bólýge bailanysty yqtimal kelispeýshilikterdiń aldyn alýǵa, sondai-aq eki eldiń sý sharýashylyǵy kesheniniń ornyqty damýyn qamtamasyz etýge baǵyttalǵan.
