مەجٸلٸس قازاقستان مەن ٶزبەكستان ٷكٸمەتتەرٸ اراسىنداعى ترانسشەكارالىق سۋ وبەكتٸلەرٸن بٸرلەسٸپ باسقارۋ جەنە ۇتىمدى پايدالانۋ تۋرالى كەلٸسٸمدٸ راتيفيكاتسييالادى, دەپ حابارلايدى ult.kz.
قۇجاتقا 2025 جىلعى 15 قاراشادا قازاقستان پرەزيدەنتٸ قاسىم-جومارت توقاەۆتىڭ ٶزبەكستانعا مەملەكەتتٸك ساپارى اياسىندا قول قويىلعان. ونىڭ ماقساتى – ترانسشەكارالىق سۋ وبەكتٸلەرٸن تيٸمدٸ بٸرلەسٸپ باسقارۋدى, ۇتىمدى پايدالانۋدى, سونداي-اق مەملەكەتارالىق ماڭىزى بار سۋ شارۋاشىلىعى قۇرىلىسجايلارىن قاۋٸپسٸز پايدالانۋدى قامتاماسىز ەتۋ.
كەلٸسٸمدە ترانسشەكارالىق سۋ وبەكتٸلەرٸ مەن مەملەكەتارالىق پايدالانىلاتىن سۋ شارۋاشىلىعى قۇرىلىستارىن بٸرلەسٸپ باسقارۋ جەنە ۇتىمدى پايدالانۋ جٶنٸندەگٸ قازاقستان-ٶزبەكستان ٷكٸمەتارالىق كوميسسيياسىن قۇرۋ كٶزدەلەدٸ. كوميسسييا سۋ ىنتىماقتاستىعى مەسەلەلەرٸ بويىنشا تاراپتاردىڭ ٶزارا ٸس-قيمىلىن ٷيلەستٸرۋمەن اينالىساتىن بولادى.
كەلٸسٸمدٸ راتيفيكاتسييالاۋ قازاقستان مەن ٶزبەكستان اراسىنداعى سۋ رەسۋرستارى سالاسىنداعى ۇزاق مەرزٸمدٸ ەرٸ ٶزارا تيٸمدٸ ىنتىماقتاستىقتى نىعايتۋعا, سۋدى بٶلۋگە بايلانىستى ىقتيمال كەلٸسپەۋشٸلٸكتەردٸڭ الدىن الۋعا, سونداي-اق ەكٸ ەلدٸڭ سۋ شارۋاشىلىعى كەشەنٸنٸڭ ورنىقتى دامۋىن قامتاماسىز ەتۋگە باعىتتالعان.
