Qazaqstanda tehnikalyq jáne kásiptik bilim berý júiesi eńbek naryǵynyń naqty suranysyna beiimdelip jatyr. Bul týraly Úkimet otyrysynda oqý-aǵartý ministri Juldyz Súleimenova málimdedi, dep habarlaidy ult.kz.
2025–2027 jyldarǵa arnalǵan TjKB júiesin transformatsiialaý jol kartasy aiasynda kolledjderdegi bilim berý baǵdarlamalary jańartylyp, pedagogterdiń biliktiligin arttyrý, tsifrlandyrý jáne normativtik bazany jetildirý jumystary júrgizilýde.
Jańa júieniń basty maqsaty — jastarǵa eńbek naryǵynda suranysqa ie mamandyq berý jáne kásiporyndardy qajetti bilikti kadrlarmen qamtamasyz etý.
Qazir elimizde 480 kolledjde 131 myń stýdent jumysshy biliktilikteri boiynsha bilim alyp jatyr. Olardyń 103 myńy, iaǵni 79 paiyzy, 9-synyptan keiin kolledjge túsken jastar.
Biyl jumysshy mamandyqtaryna qabyldanǵan stýdentter sany 57,8 myńǵa artqan.
Túlekterdiń jumysqa ornalasý kórsetkishi de ósip keledi. Máselen, tiginshilerdiń 79 paiyzy, aspazdardyń 77 paiyzy jumysqa ornalasqan.
Ministrliktiń málimetinshe, aldaǵy ýaqytta kolledjder tek maman daiarlaityn oqý orny emes, ekonomikanyń naqty kadrlyq qajettiligin qamtamasyz etetin negizgi institýtqa ainalýy tiis.
