Qazaqstan halyqaralyq statistikalyq World Population Review resýrsy jariialaǵan Most Atheist Countries 2026 reitinginde dinge qatysy joq adamdardyń úlesi joǵary elderdiń qatarynan kórindi, dep habarlaidy ult.kz.
Reiting deregine sáikes, Qazaqstandaǵy bul kórsetkish 49 paiyzdy quraǵan.
Qazaqstannan joǵary kórsetkish Shvetsiiada – 76%, Japoniiada – 72%, Qytaida – 71%, Ispaniiada – 61%, Germaniiada – 60%, Ulybritaniiada – 59% jáne Avstriiada – 51% deńgeiinde tirkelgen.
Al Qazaqstannan keiin Ázerbaijan – 37%, Resei – 36% kórsetkishimen ornalasqan.
Alaida bul kórsetkishterdi Qazaqstan azamattarynyń 49 paiyzy ózin resmi túrde ateist dep sanaidy dep tikelei túsinýge bolmaidy. Halyqaralyq zertteýlerde «ateist», «dinge qatysy joq» jáne «ózin belgili bir dinge jatqyzbaityn» uǵymdarynyń maǵynasy bir-birinen erekshelenýi múmkin.
Qazaqstannyń resmi statistikasy atalǵan reiting kórsetkishinen aitarlyqtai ózgeshe. 2021 jylǵy halyq sanaǵynyń deregine sáikes, el turǵyndarynyń shamamen 69,3 paiyzy islam dinin, 17,2 paiyzy hristian dinin ustanatynyn kórsetken. Al 2,3 paiyzy ózin dinge senbeitinder qataryna jatqyzǵan. Taǵy shamamen 11 paiyzy dini ustanymy týraly aqparat kórsetpegen.
