قازاقستان حالىقارالىق ستاتيستيكالىق World Population Review رەسۋرسى جارييالاعان Most Atheist Countries 2026 رەيتينگٸندە دٸنگە قاتىسى جوق ادامداردىڭ ٷلەسٸ جوعارى ەلدەردٸڭ قاتارىنان كٶرٸندٸ, دەپ حابارلايدى ult.kz.
رەيتينگ دەرەگٸنە سەيكەس, قازاقستانداعى بۇل كٶرسەتكٸش 49 پايىزدى قۇراعان.
قازاقستاننان جوعارى كٶرسەتكٸش شۆەتسييادا – 76%, جاپونييادا – 72%, قىتايدا – 71%, يسپانييادا – 61%, گەرمانييادا – 60%, ۇلىبريتانييادا – 59% جەنە اۆسترييادا – 51% دەڭگەيٸندە تٸركەلگەن.
ال قازاقستاننان كەيٸن ەزەربايجان – 37%, رەسەي – 36% كٶرسەتكٸشٸمەن ورنالاسقان.
الايدا بۇل كٶرسەتكٸشتەردٸ قازاقستان ازاماتتارىنىڭ 49 پايىزى ٶزٸن رەسمي تٷردە اتەيست دەپ سانايدى دەپ تٸكەلەي تٷسٸنۋگە بولمايدى. حالىقارالىق زەرتتەۋلەردە «اتەيست», «دٸنگە قاتىسى جوق» جەنە «ٶزٸن بەلگٸلٸ بٸر دٸنگە جاتقىزبايتىن» ۇعىمدارىنىڭ ماعىناسى بٸر-بٸرٸنەن ەرەكشەلەنۋٸ مٷمكٸن.
قازاقستاننىڭ رەسمي ستاتيستيكاسى اتالعان رەيتينگ كٶرسەتكٸشٸنەن ايتارلىقتاي ٶزگەشە. 2021 جىلعى حالىق ساناعىنىڭ دەرەگٸنە سەيكەس, ەل تۇرعىندارىنىڭ شامامەن 69,3 پايىزى يسلام دٸنٸن, 17,2 پايىزى حريستيان دٸنٸن ۇستاناتىنىن كٶرسەتكەن. ال 2,3 پايىزى ٶزٸن دٸنگە سەنبەيتٸندەر قاتارىنا جاتقىزعان. تاعى شامامەن 11 پايىزى دٸني ۇستانىمى تۋرالى اقپارات كٶرسەتپەگەن.
