«Qazaqmys korporatsiiasy» JShS kompaniianyń óndiristik nysandarynda jumys isteitin 38 meditsinalyq pýnktti qosymsha jabdyqtaý maqsatynda 100 million teńgeden astam qarjy bóldi. Bul júieli sharalar meditsina kyzmetkerleriniń tótenshe jáne shuǵyl jaǵdailarda jedel meditsinalyq kómek kórsetýge daiyndyǵyn edáýir arttyrýǵa baǵyttalǵan. Qazirgi tańda qajetti zamanaýi jabdyqtardyń negizgi bóligi óndiris oryndaryna jetkizildi, dep habarlaidy Ult.kz.
Baǵdarlama aiasynda meditsinalyq pýnktter jumyskerlerdiń densaýlyq jaǵdaiyn bastapqy baǵalaýǵa jáne olarǵa algoritm boiynsha shuǵyl kómek kórsetýge qajetti zamanaýi quraldarmen tolyqty. Satyp alynǵan jabdyqtardyń qatarynda 35 dana ZOLL AED Plus portativti defibrilliatory, 35 dana COMEN EKG apparaty, 20 tasymaldaý qalqany, 52 jiyntyq immobilizatsiialyq shina, 37 kúiikke qarsy jiyntyq jáne basqa da qajetti quraldar bar. Sonymen birge 38 meditsinalyq pýnkttiń barlyǵy arnaiy meditsinalyq tońazytqyshtarmen qamtamasyz etildi.
Meditsinalyq pýnktter óndiristik nysandardyń ereksheligi men shuǵyl meditsinalyq kómek kórsetýdiń joǵary talaptaryn eskere otyryp, bekitilǵan biryńǵai standart boiynsha jabdyqtalýda. Bul tásil kompaniianyń barlyq kásiporyndaryndaǵy meditsinalyq pýnktterdiń materialdyq-tehnikalyq deńgeiin teńestirip, kez kelgen tótenshe jaǵdai kezinde ýaqyt joǵaltpai jedel áreket etýge múmkindik beredi.
Sonymen qatar nysandardy bilikti kadrlarmen qamtamasyz etýge basa nazar aýdarylǵan. Barlyq bólimshede tiisti beiindi oqýdan ótken jáne shuǵyl meditsinalyq kómek kórsetý daǵdylaryn turaqty túrde jetildirip otyratyn kásibi meditsina mamandary jumys isteidi.
«Óndiristegi meditsina qyzmetkeriniń basty mindeti — únemi qajetti kómekti jedel kórsetýge daiyn bolý. Tótenshe jaǵdaida ár minýt mańyzdy. Sondyqtan der kezinde áreket etý mamannyń joǵary daiyndyǵy men óndiris ornynda qajetti jabdyqtyń qoljetimdi bolýyna tikelei bailanysty», – dedi «Jezqazǵan meditsinalyq ortalyǵy» JShS direktory Dáýren Amanqulov.
Meditsinalyq pýnktterdi qaita jabdyqtaý — «Qazaqmystyń» jumyskerlerge kórsetiletin meditsinalyq kómek júiesin damytý baǵytyndaǵy keshendi jumysynyń mańyzdy bóligi bolyp tabylady. Kompaniia óndiristik nysandardaǵy meditsinalyq infraqurylymdy kezeń-kezeńimen jetildirip, materialdyq-tehnikalyq bazany jańartýdy ári qarai jalǵastyrady.
