Roza Baǵlanova atyndaǵy «Qazaqkontsert» memlekettik akademiialyq kontserttik uiymynda «GULDER» ansambliniń «EXPERIENCE №4: Pavanadan qazaq valsine deiingi dáýirler dialogy» atty kontsert-dárisi ótti, dep habarlaidy ult.kz.
Joba kontsert pen tanymdyq formatty ushtastyryp, kórermenge ár kezeńdegi bi mádenietiniń qalyptasý tarihy jáne ár dáýirdiń estetikalyq erekshelikteri tanystyryldy.
Baǵdarlamada pavana, menýet, polonez, vals, tango, latino jáne qazaq valsi oryndaldy.
Jobanyń avtorlary – «GULDER» ansambliniń bas baletmeisteri, halyqaralyq baiqaýlardyń laýreaty Anvara Sadyqova men pedagog-horeograf Dana Qýanyshbekova. Kontsert-dáriske ansambl ártisteri, óner qairatkerleri, halyqaralyq baiqaýlardyń laýreattary, Qazaq ulttyq horeografiia akademiiasynyń stýdentteri jáne «SAMGA» kvarteti qatysty.
Kesh barysynda ansambl ártisteri kórermenge qazaq valsine arnalǵan baǵdarlama usynyp, kópshilikke erekshe áser qaldyrdy.
