Búgin energetika salasyndaǵy eki iri kompaniianyń basqarma tóraǵalary qyzmetinen bosatylǵany belgili boldy. Resmi aqpar «Samuryq-Qazyna» qorynyń saitynda jariialandy, dep habarlaidy "Ult aqparat".
«QazaqGaz» Ulttyq kompaniiasy» AQ Direktorlar Keńesiniń 2022 jyldyń 14 qańtaryndaǵy sheshimine sáikes, K.K.Sharipbaevtyń aryzy negizinde, onyń «QazaqGaz» Ulttyq kompaniiasy» AQ Basqarma Tóraǵasy retindegi ókilettigi toqtatyldy.
«QazTransOil» AQ Direktorlar Keńesiniń 2022 jyldyń 14 qańtaryndaǵy sheshimine sáikes, D.G. Dosanovtyń aryzy negizinde, onyń «QazTransOil» AQ Bas direktory (Basqarma tóraǵasy) retindegi ókilettigi merziminen buryn toqtatyldy», delingen habarlamada.
Esterińizge sala ketsek, buǵan deiin burynǵy energetika vitse-ministri men elektrondyq saýda alańdarynyń basshylary jáne Mańǵystaý oblysyndaǵy suiytylǵan munai gazynyń baǵasyn negizsiz kóterýge qatysy bar tulǵalardyń ustalǵany belgili boldy.
