Foto: Raýan Kenjehanulynyń jeke muraǵatynan
QAZAQ TILI Endowment qoryna 500 mln teńge jinaldy. Bul týraly Senatta Qazaq Oxford Dictionary sózdiginiń tanystyrylymynda Halyqaralyq «Qazaq tili» qoǵamdyq birlestiginiń prezidenti Raýan Kenjehanuly aitty, dep habarlaidy Kazinform agenttigi.
«Qazaq tili» qoǵamdyq birlestiginiń ári qarai tynys-tirshiligine demeý kórsetetin, negiz bolatyn Endowment degen qor quryldy. Qorǵa Memleket basshysy birinshi bolyp óz qaltasynan jarna saldy. Sol jolmen qazirgi ýaqytta kásipkerler, qoǵam ókilderi qarajat aýdaryp jatyr. Búginde jarty mlrd teńgedei qarajat jinaqtaldy. Ol qarajat jumsalmaidy, basqarylady. Osy arqyly qor bizdiń kúndelikti qyzmetimizge, túrli jobalarymyzǵa negiz bolady», - dedi ol.
Qoǵamdyq birlestik prezidentiniń atap ótýinshe, mundai qor álemniń kóptegen elinde bar.
«Máselen, Túrkiiada «Til» qory bar. «Tarih» qory da jumys isteidi. Ulybritaniiada British Council, ispan tilin qoldaýmen ainalysatyn Servantes institýty, Qytaida Konfýtsii institýty, Reseide «Rýskii mir» qoǵamdyq qory bar. Sondyqtan osy tájiribeni Qazaqstanǵa ákelip, «Qazaq tili» qoǵamdyq birlestigine engizý úshin jumys istep jatyrmyz. Qoldaý kórsetip jatqan azamattar az emes. Biraq, bizdiń oiymyzsha, bul - úlken bastamalardyń alǵashqy qadamy ǵana», - dedi Raýan Kenjehanuly.
