Bas prokýratýra qyzmetkerleri Sybailas jemqorlyqqa qarsy qyzmetpen birlese otyryp, «Lider Nefteprodýkt KZ» JShS-nyń direktory Baqyt Ibragimdi qylmystyq jaýaptylyqqa tartý úshin Germaniiadan ekstraditsiialady.
Baqyt Ibragim aldyn ala sóz bailasqan adamdar tobymen «Bank RBK» AQ-nan asa iri kólemde aqshalai qarajatty alaiaqtyq jolmen jymqyrǵan degen kúdik bar.
2013-2016 jyldar aralyǵyndaǵy merzimde jymqyrylǵan qarajattyń jalpy kólemi 50 mlrd. teńgeni jáne 83 mln. AQSh dollaryn quraidy.
"Qylmysty jasaǵannan keiin, kúdikti qylmystyq qýdalaý organdarynan jasyrynyp qalǵan, osyǵan bailanysty oǵan halyqaralyq izdeý jariialandy", deidi QR Bas prokýratýrasynyń baspasóz qyzmeti.
Qazirgi ýaqytta Ibragim Astana qalasynyń tergeý izoliatorynda.
Aita ketsek, 23 sáýirde Germaniiada Qazaq Banki aktsioneri Baqyt Ibragim ustalǵan bolatyn.
