Qazaq Air áýe kompaniiasy Reseige ushatyn reisterin qalpyna keltirgenin habarlady. Kompaniia 13 naýryzdan bastap Reseige qaita usha bastaidy. Jeksenbi kúnnen bastap bilet satyp alýǵa da bolady, dep habarlady Azattyq.
"Qazaq Air áýe kompaniiasy Reseige josparlanǵan barlyq reis 13 naýryzdan bastap qalpyna keletinin jáne vebsait arqyly biletke tapsyrys berýge bolatynyn habarlaidy" dep jazylǵan kompaniia saityndaǵy habarlamada.
Bir kún buryn kompaniia Resei áýe keńistigin saqtandyrý máselesiniń týyndaýyna bailanysty Reseige ushýyn toqtatatynyn habarlaǵan.
11 naýryzda qazaqstandyq Air Astana áýe kompaniiasy saqtandyrý máselesine bailanysty Reseige ushýyn toqtatqan.
Dál sol kúni SCAT kompaniiasy Reseige ushatyn reisterin kóbeitetinin málimdep, bul baǵyt boiynsha "halyq suranysy kóp bolǵandyqtan" qosymsha reister shyǵaratynyn aitqan.
Keiingi kezde Qazaqstan men Resei arasynda áýe qatynasy baiaýlaǵan. Osyǵan deiin reseilik S7 Airlines jáne "Aeroflot" ta Qazaqstanǵa ushýyn doǵarǵan. Onyń aldynda Rosaviatsiia áýe kompaniialarǵa sheteldik reisterdi toqtatýǵa keńes bergen. Sebebi Batys sanktsiiasynan keiin lizingke tehnika beretin kompaniialar reseilik kompaniialarmen kelisim-shartyn úzip, ushaqtardy qaitarýǵa májbúr bolǵan.
Qazirgi kezde reseilik tasymaldaýshylar paidalanatyn 980 ushaqtyń 777-i lizingke alynǵan, 515-i - iaǵni jartysynan astamy sheteldik kompaniialardan jalǵa alynǵan.
