Qaraǵandyda salynyp jatqan turǵyn úi kesheninen páterdi arzan baǵamen alyp beremin dep turǵyndardy aldaǵan degen kúdikpen 44 jastaǵy áiel ustaldy. Qazirgi ýaqytta onyń áreketinen keminde 11 adam zardap shekkeni belgili, dep habarlaidy ult.kz.
Qaraǵandy oblystyq politsiia departamentiniń málimetinshe, 9 shilde kúni politsiiaǵa 29 jastaǵy qala turǵyny aryzdanǵan. Onyń aitýynsha, kúdikti biyl maýsym aiynda senimine kirip, salynyp jatqan turǵyn úi keshenderiniń birinen tiimdi baǵamen páter alyp berýge ýáde etken. Osy maqsatta jábirlenýshiden 6 million teńge alǵanymen, baspanany da rásimdemegen, aqshany da qaitarmaǵan.
Jedel izdestirý is-sharalary barysynda politseiler 44 jastaǵy kúdiktini anyqtap, ustady.
Tergeý barysynda áielge qatysty taǵy 10 azamattan osyndai mazmundaǵy aryz túsken. Aldyn ala málimet boiynsha, ol 2023 jyldan beri turǵyn úi alyp beremin degen jeleýmen adamdardyń senimine kirip, aqsha alyp otyrǵan.
Qazirgi tańda anyqtalǵan jábirlenýshilerge keltirilgen jalpy materialdyq shyǵyn shamamen 70 million teńgeni quraidy.
Atalǵan derek boiynsha asa iri kólemdegi alaiaqtyq baby boiynsha sotqa deiingi tergeý júrgizilip jatyr. Kúdikti ýaqytsha ustaý izoliatoryna qamaldy.
Politseiler onyń osyǵan uqsas ózge de qylmystarǵa qatysy bar-joǵyn tekserip, qosymsha jábirlenýshilerdi anyqtaý jumystaryn jalǵastyryp jatyr.
Osyǵan bailanysty Qaraǵandy oblysynyń politsiia departamenti azamattardy jyljymaityn múlikke qatysty mámileler jasaý kezinde saq bolýǵa, qarjyny tek zańdy túrde rásimdelgen kelisimsharttar negizinde ǵana aýdarýǵa shaqyrdy.
