Qonaev qalasynyń turǵyny Andrei Koziatinskii Qapshaǵai sý qoimasynda sýǵa batyp bara jatqan adamdy qutqarmaq bolyp, ózi qaza tapty. Qaiǵyly oqiǵa týraly Qonaev qalasynyń ákimi Ashat Berdihanov málimdedi, dep habarlaidy ult.kz.
Tótenshe jaǵdailar departamentiniń málimetinshe, oqiǵa 2026 jylǵy 22 shildede demalys oryndarynyń birinde bolǵan. Aldyn ala aqparat boiynsha, sýǵa batyp bara jatqan adamǵa kómek kórsetýge umtylǵan demalys bazasynyń qyzmetkeri oqiǵa ornynda kóz jumǵan.
Qonaev qalasynyń ákimi Andrei Koziatinskiidiń áreketin naǵyz erlik pen janqiiarlyqtyń úlgisi dep baǵalady.
«Qapshaǵai sý qoimasynda ózgeniń ómirin qutqarýǵa umtylyp, óz ómirin qurban etken Andrei Filipovich Koziatinskiidiń qazasy týraly habardy tereń kúizelispen qabyldadym. Sheshýshi sátte ol syrttai baqylap qalmai, óz qaýipsizdigin oilamastan kómekke umtyldy. Mundai qadamǵa júregi keń, rýhy myqty adam ǵana bara alady», – dedi Ashat Berdihanov.
Ákim marqumnyń ákesine, týǵan-týystary men jaqyndaryna kóńil aityp, onyń erligi Qonaev turǵyndarynyń jadynda máńgi saqtalatynyn jetkizdi.
Eske salaiyq, buǵan deiin Qapshaǵai sý qoimasynda arnaiy jabdyqtalmaǵan jerde shomylǵan eki jas sýǵa batyp qaza tapqan bolatyn. Qyzdyń denesin demalýshylar qutqarýshylar kelgenge deiin sýdan shyǵaryp alǵan, al jigittiń máiiti kelesi kúni tabylǵan.
