Shyǵys Qazaqstan oblysy Tarbaǵatai aýdanyndaǵy Zaisan kólinde sýǵa batyp ketken eki balyqshynyń denesi tabyldy, dep habarlaidy ult.kz.
Tótenshe jaǵdailar ministrliginiń málimetinshe, oqiǵa 15 qyrkúiekte Tuǵyl aýyldyq okrýgi mańynda bolǵan. Úsh er adam qaiyqpen balyq aýlap júrgen kezde qatty jel turyp, qaiyq aýdarylyp ketken.
1968 jyly týǵan balyqshy ózdiginen jaǵaǵa shyǵyp, ony jergilikti turǵyndar qutqarǵan. Al 1968 jáne 1995 jyly týǵan eki er adam sýǵa batyp ketken. TJM málimetinshe, olardyń qutqarý keýdesheleri bolmaǵan.
Oqiǵadan keiin izdestirý jumystaryna qutqarýshylar men súńgýirler, katerler, drondar jáne jergilikti turǵyndar jumyldyryldy. TJM súńgýirleri sýǵa segiz ret tústi.
Izdeý jumystaryna kóldiń tereńdigi, túbiniń kúrdeli jer bederi jáne sý astyndaǵy kórinýdiń tómen bolýy kedergi keltirgen.
Birneshe kúnge sozylǵan izdestirý nátijesinde 1968 jyly týǵan balyqshynyń denesin jergilikti turǵyndar tapqan. Al 1995 jyly týǵan azamattyń denesin TJM súńgýirleri jaǵadan 8,9 shaqyrym jerden anyqtady.
Osylaisha, Zaisan kólindegi eki balyqshyny izdeý-qutqarý jumystary aiaqtaldy.
