Qazaqstandyq Iýliia Pýtintseva juptyq synda Ýimbldon týrnirin jeńispen bastady, dep habarlaidy "Ult aqparat".
Qazaqstandyq tennisshi reseilik Anna Kalinskaiamen birge alǵashqy ainalymda aýstraliialyq Samanta Stosýr – amerikalyq Koko Vandevegemen sheberlik baiqasty.
Birinshi partiiada qazaqstandyq-reseilik jup tai-breikte ábjildik tanytty – 7:6 (7:3).
Ekinshi sette áldeqaida basymdylyq tanytty – 6:3.
Saǵat jarymǵa jýyq ýaqytqa sozylǵan match barysynda Iu.Pýtintseva men A.Kalinskaia 1 eis jasap, 5 breik-pointty túgel paidalandy. Qarsylastary 10 breik-pointtyń tórteýin ǵana óz esepterine jaza aldy.
Qazaqstandyq-reseilik jup úshinshi ainalymǵa shyǵý úshin osy jarystyń birinshi raketkalary, chehiialyqtar Barbora Kreichikova – Katerina Siniakovamen talasady.
Taǵy bir qazaqstandyq Zarina Diias aýstraliialyq Arina Rodionovamen birge ekinshi ainalymda reseilik Varvara Gracheva – grýziialyq Oksana Kalashnikovaǵa 3:6, 1:6 esebimen jol berdi.
Erler arasynda juptyq synda qazaqstandyqtar Aleksandr Býblik pen Aleksandr Nedovesov tartysty matchta braziliialyqtar Rafael Matos –Tiago Monteirodan 4:6, 6:3, 12:13 (4:7) esebimen utylyp qaldy.
