پۋتينتسەۆا جۇپتىق سىندا ۋيمبلدون تۋرنيرٸن جەڭٸسپەن باستادى

قازاقستاندىق يۋلييا پۋتينتسەۆا جۇپتىق سىندا ۋيمبلدون تۋرنيرٸن جەڭٸسپەن باستادى, دەپ حابارلايدى "ۇلت اقپارات".

قازاقستاندىق تەننيسشٸ رەسەيلٸك اننا كالينسكايامەن بٸرگە العاشقى اينالىمدا اۋسترالييالىق سامانتا ستوسۋر – امەريكالىق كوكو ۆاندەۆەگەمەن شەبەرلٸك بايقاستى.

بٸرٸنشٸ پارتييادا قازاقستاندىق-رەسەيلٸك جۇپ تاي-برەيكتە ەبجٸلدٸك تانىتتى – 7:6 (7:3).

ەكٸنشٸ سەتتە ەلدەقايدا باسىمدىلىق تانىتتى – 6:3.

ساعات جارىمعا جۋىق ۋاقىتقا سوزىلعان ماتچ بارىسىندا يۋ.پۋتينتسەۆا مەن ا.كالينسكايا 1 ەيس جاساپ, 5 برەيك-پوينتتى تٷگەل پايدالاندى. قارسىلاستارى 10 برەيك-پوينتتىڭ تٶرتەۋٸن عانا ٶز ەسەپتەرٸنە جازا الدى.

قازاقستاندىق-رەسەيلٸك جۇپ ٷشٸنشٸ اينالىمعا شىعۋ ٷشٸن وسى جارىستىڭ بٸرٸنشٸ راكەتكالارى, چەحييالىقتار باربورا كرەيچيكوۆا – كاتەرينا سينياكوۆامەن تالاسادى. 

تاعى بٸر قازاقستاندىق زارينا ديياس اۋسترالييالىق ارينا روديونوۆامەن بٸرگە ەكٸنشٸ اينالىمدا رەسەيلٸك ۆارۆارا گراچەۆا – گرۋزييالىق وكسانا كالاشنيكوۆاعا 3:6, 1:6 ەسەبٸمەن جول بەردٸ.

ەرلەر اراسىندا جۇپتىق سىندا قازاقستاندىقتار الەكساندر بۋبليك پەن الەكساندر نەدوۆەسوۆ تارتىستى ماتچتا برازيلييالىقتار رافاەل ماتوس –تياگو مونتەيرودان 4:6, 6:3, 12:13 (4:7) ەسەبٸمەن ۇتىلىپ قالدى.