Áielder tennisi qaýymdastyǵy (WTA) reitinginiń jańarǵan nusqasy shyqty, dep habarlaidy "Ult aqparat" QR Tennis Federatsiiasynyń baspasóz qyzmetine saityna silteme jasap.
Qazaqstannyń birinshi raketkasy Elena Rybakina 20-shy bolyp qaldy. Pýtintseva jeti pozitsiiaǵa kóterilip, 35-shi orynǵa jaiǵasty.
Eske sala keteiik, jaqynda Iýliia Býdapeshtte ótken týrnirdiń jeńimpazy atandy. Zarina Diias úsh pozitsiiaǵa kóterilip, 99-shy tennisshi retinde Úzdik júzdikke qaita oraldy. Juptyq razriadta Anna Danilina 120-shy orynnan 119-ǵa kóterildi.
Erlerdiń jańarǵan reitinginde Aleksandr Býblik úsh pozitsiia túsip, 40-shy orynǵa jaiǵasty. Mihail Kýkýshkin bir jol kóterilip, 123-shi orynǵa ornalasty. Dmitrii Popko tómen syrǵydy, endi ol 187-shi orynda. Al juptyq razriadta Andrei Golýbev 35-shi, Býblik 49-shy, Aleksandr Nedovesov 84-shi orynda tur.
