ەيەلدەر تەننيسٸ قاۋىمداستىعى (WTA) رەيتينگٸنٸڭ جاڭارعان نۇسقاسى شىقتى, دەپ حابارلايدى "ۇلت اقپارات" قر تەننيس فەدەراتسيياسىنىڭ باسپاسٶز قىزمەتٸنە سايتىنا سٸلتەمە جاساپ.
قازاقستاننىڭ بٸرٸنشٸ راكەتكاسى ەلەنا رىباكينا 20-شى بولىپ قالدى. پۋتينتسەۆا جەتٸ پوزيتسيياعا كٶتەرٸلٸپ, 35-شٸ ورىنعا جايعاستى.
ەسكە سالا كەتەيٸك, جاقىندا يۋلييا بۋداپەشتتە ٶتكەن تۋرنيردٸڭ جەڭٸمپازى اتاندى. زارينا ديياس ٷش پوزيتسيياعا كٶتەرٸلٸپ, 99-شى تەننيسشٸ رەتٸندە ٷزدٸك جٷزدٸككە قايتا ورالدى. جۇپتىق رازريادتا اننا دانيلينا 120-شى ورىننان 119-عا كٶتەرٸلدٸ.
ەرلەردٸڭ جاڭارعان رەيتينگٸندە الەكساندر بۋبليك ٷش پوزيتسييا تٷسٸپ, 40-شى ورىنعا جايعاستى. ميحايل كۋكۋشكين بٸر جول كٶتەرٸلٸپ, 123-شٸ ورىنعا ورنالاستى. دميتريي پوپكو تٶمەن سىرعىدى, ەندٸ ول 187-شٸ ورىندا. ال جۇپتىق رازريادتا اندرەي گولۋبەۆ 35-شٸ, بۋبليك 49-شى, الەكساندر نەدوۆەسوۆ 84-شٸ ورىندا تۇر.
