Resei prezidenti Vladimir Pýtinniń Qazaqstanǵa sapary pysyqtalyp jatyr, dep habarlady Qazaqstannyń syrtqy ister ministriniń orynbasary Roman Vasilenko.
"Vladimir Pýtinniń Qazaqstanǵa sapary pysyqtalyp jatyr. Ol taraptar kelisken ýaqytta keledi", - dedi Roman Vasilenko.
Onyń aitýynsha, buǵan qosa respýblika basshysy Qasym-Jomart Toqaevtyń Reseidiń Omby qalasyna sapary josparlanyp otyr. Prezident XVI Qazaqstan men Reseidiń óńiraralyq yntymaqtastyǵy forýmyna qatysady, dep habarlaidy RIA Novosti.
"Árine, óńiraralyq yntymaqtastyq forýmy eki memleket basshysynyń tóraǵalyǵymen ótedi. Qazaqstan prezidenti Qasym-Jomart Toqaev birlesken forýmǵa Vladimir Pýtinmen birge qatysýy tiis", - dedi ol.
Sondai-aq, Vasilenkonyń aitýynsha, Toqaev Sochide ótetin "Valdai" halyqaralyq pikirsaiys klýbynyń forýmyna qatysýy múmkin. Bul sheshim keiinirek jariialanady.
Memleket basshylary qatysatyn XVI Qazaqstan men Reseidiń óńiraralyq yntymaqtastyǵy forýmy 2019 jyldyń 7 qarashasynda Omby qalasynda ótedi dep josparlanyp otyr.
Eske sala ketsek, eki eldiń XV óńiraralyq yntymaqtastyǵy forýmy 2018 jyldyń qarashasynda Petropavl qalasynda ótti. Oǵan Resei basshysy Vladimir Pýtin pen Qazaqstannyń tuńǵysh prezidenti Nursultan Nazarbaev qatysty.
