25 qyrkúiekte sailaý nátijesine qarsy narazylyqqa shyqqandardyń bárin Magadanǵa aidap, Sibirde qala salǵyzý kerek. Resei Dýmasynyń depýtaty, LDPR partiiasynyń jetekshisi Vladimir Jirinovskii bul sózdi Vladimir Pýtinmen kezdesý kezinde aitty, dep habarlaidy Azattyq.
Sol kúni Resei prezidenti Vladimir Pýtin Dýmaǵa ótken saiasi partiialardyń jetekshilerimen videokonferentsiia arqyly bailanysty. Vladimir Pýtin sailaý ashyq jáne zań talaptaryna sai ótkenin málimdedi.
Onyń sózinshe, elektrondy daýys berý tásili tek "sailaý qorytyndysy kóńilinen shyqpaǵandarǵa ǵana unamaǵan". Ol sailaýshylardyń airyqsha belsendilik kórsetkenin, 1999 jyldan berý Dýmada birinshi ret besinshi partiia paida bolǵanyn aitty.
Vladimir Pýtin Memlekettik dýma spikeri qyzmetine Viacheslav Volodindi qaldyrýdy usyndy.
Pýtinmen kezdeser aldynda Resei kommýnistik partiiasynyń jetekshisi Gennadii Ziýganov sailaýdaǵy ádiletsizdik týraly aitatyn bolǵan. Biraq kezdesý kezinde bul taqyrypty kóp qaýzamaýǵa tyrysqany baiqaldy.
"Daýys berýdi úsh kúnge sozý jáne sailaý kezinde ákimshilik resýrsty paidalaný, birinshiden - senimnen aiyrady, ekinshiden - saiasi júieniń ózin de qurtady, - dedi ol.
25 qyrkúiekte Máskeýde Gennadii Ziýganovtyń kommýnistik partiiasy Dýma sailaýynyń qorytyndysyna narazylyq bildirip, ruqsatsyz aktsiiaǵa shyqqan. 17 qyrkúiek pen 19 qyrkúiek aralyǵynda Reseide Memlekettik dýma sailaýy ótip, "Edinaia Rossiia" partiiasy kópshilik oryndy alǵan.
