2014 jyly RF prezidentine Harkovtan Stambulǵa qarai baǵyt alǵan ushaqty basyp alǵany týraly habar kelgen. Pýtin ony qulatý týraly buiryq bergen. Alaida, birneshe minýttan keiin ushaqty basyp alý týraly aqparat jalǵan ekeni anyqtalǵan, dep habarlaidy Baq.kz aqparat agenttigi Korrespondent portalyna silteme jasap.
2014 jyly Resei prezidenti Vladimir Pýtin bortynda bomba bar dep habarlanǵan jolaýshylar ushaǵyn qulatýǵa buiryq bergen. Bul jóninde «Pýtin» atty derekti filmde aitylǵan.
Eki saǵatqa sozylǵan derekti filmde RF prezidenti 2014 jyldyń 7 aqpanynda Sochidegi Olimpiadanyń ashylýy aldynda oǵan qaýipsizdik qyzmetiniń ofitseri habarlasyp, Harkovtan Stambulǵa qarai ushyp bara jatqan ushaqtyń basyp alynǵany týraly habarlaǵan.
Pýtinniń aitýynsha, ushaqty basyp alǵandar ony Sochige qondyrýdy talap etken. Pegasus Týrkiia áýe kompaniiasynyń Boeing 737-800 laineriniń pilottary jolaýshylardyń birinde bomba bolǵany týraly habarlaǵan.
«Ushaq bortynda 110 jolaýshy bolsa, oiyndardyń ashylý saltanatyna 40 myńnan astam adam jinalǵan bolatyn», - dep jazady portal.
Pýtin qaýipsizdik qyzmetiniń qyzmetkerlerinen keńes suraǵanda, olar tótenshe jaǵdailar jónindegi is-áreketter jospary ushaqty qulatýdy talap etetinin aitqan.
«Men olarǵa josparǵa sáikes áreket jasańyzdar dedim», - dep eske alady Pýtin.
Prezident osy buiryǵynyń artynsha-aq ózi Olimpiada oiyndary ótetin orynǵa kelgen. Birneshe minýttan keiin Pýtinge taǵy qońyraý shalyp, bul jalǵan aqparat ekenin jáne álgi jolaýshy mas kúide bolǵanyn, sol sebepti ushaq Túrkiiaǵa alǵan baǵytyn jalǵastyrǵanyn habarlaǵan.
