© Reuters
Resei prezidenti Vladimir Pýtin Túrkiia basshysy Rejep Taiyp Erdoǵanmen telefon arqyly sóilesýi kezinde Ýkraina basshysy Vladimir Zelenskiimen kezdesýge qarsy emes ekenin aitty. Bul týraly 13 naýryzda ótken baspasóz konferentsiiasynda Túrkiia SIM basshysy Mevliýt Chavýshoglý málimdedi, - dep habarlaidy Tengrinews.kz saity "Anadolý" agenttigine silteme jasap.
Chavýshoglýdyń sózinshe, Ankara Resei-Ýkraina qaqtyǵysy bastalǵaly beri Pýtin men Zelenskiidiń kezdesýi úshin bar jaǵdaidy jasap jatyr.
"Jalpy Pýtin telefon arqyly prezident Erdoǵanǵa kezdesýge qarsy emes ekenin aitty. Lavrov muny Antaliadaǵy baspasóz konferentsiiasynda da aitqan bolatyn. Ýkrainalyq tarap ta daiyn. Bir jaǵy Kiev pen Máskeý arasynda tehnikalyq jáne basqa da másele boiynsha kelissóz júrip jatyr", - dedi ministr.
Túrik dilomatiiasynyń basshysy eki tarap ta Túrkiiaǵa beitarap el retinde senetinin aitty.
Sonymen qatar, ministr Ýkraina men Resei arasyndaǵy kelissózge nazar aýdardy. Ol birqatar másele boiynsha taraptar ýaǵdalastyqqa jaqyn ekenin jáne "qarý qashan qoldanýdy toqtatatynyn" sheshý keregin atap ótti.
"Jaqyn arada bári sheshiledi dep úmittenemiz. Kelissózderdegi oń nátije baiqalǵany týraly Pýtin de aitqan", - deidi SIM basshysy.
Sonymen qatar, Kiev tarapy jaqyn bolashaqta Zelenskii men Pýtinniń kezdesýine senetinderin aitty.
"Oǵan jetetin kúnge de az qaldy dep oilaimyn. Men kezdesý jaqyn arada bolady dep aitýǵa daiyn emespin. Bir, eki, úsh kúnde bolatyn nárse emes. Biraz ýaqyt ótedi, biraq kezdesýdiń tezirek ótýine tyrysamyz", - dedi Zelenskii keńsesi basshysynyń keńesshisi Mihail Podoliak "Ýkraina 24" telearnasy efirinde.
