Foto: ashyq derekkóz
Vladimir Pýtin Donald Tramppen telefon arqyly sóilesip, 9 mamyr — Jeńis kúni kezeńinde bitim jariialaýǵa daiyn ekenin málimdedi, dep habarlaidy Ult.kz.
Resei prezidentiniń kómekshisi Iýrii Ýshakovtyń aitýynsha, áńgime 1,5 saǵattan astam ýaqytqa sozylǵan.
Pýtin Trampqa oǵan jasalǵan qastandyq áreketine bailanysty qoldaý bildirip, bul qylmysty qatań aiyptaǵan.
"Tramp Resei jariialaǵan Pashadaǵy ýaqytsha bitimdi oń baǵalaǵan. Osyǵan bailanysty Pýtin Jeńis kúni merekesi kezinde de bitim jariialaýǵa daiyn ekenin jetkizdi", — deidi Ýshakov.
"Tramp bul bastamany belsendi túrde qoldady", — dep qosty ol.
Sondai-aq Ýshakovtyń sózinshe, Tramp Ýkrainadaǵy qaqtyǵysty retteý boiynsha kelisimge qol jetkizý jaqyn ekenin aitqan.
Pýtin óz kezeginde Trampqa maidandaǵy jaǵdai týraly baiandap, "reseilik áskerler qarsylasty yǵystyryp jatyr" dep málimdegen (Resei Ýkrainaǵa qarsy soǵysty "arnaiy áskeri operatsiia" dep ataidy).
Ázirge Tramp bul telefon áńgimesine qatysty resmi pikir bildirgen joq.
