Foto: Aqorda
Resei prezidenti Vladimir Pýtin "Kazahstanskaia pravda" basylymyna bergen suhbatynda Qasym-Jomart Toqaevpen qandai qarym-qatynasta ekenin aitty, - dep habarlaidy Tengrinews.kz saity.
"Qasym-Jomart Kemelulymen birden shynaiy dos bolyp ketkenimizdi, jaqyn qarym-qatynas ornatqanymyzdy birneshe ret atap óttim. Bul tańǵalarlyq jaǵdai emes. Biz - bir ýaqyttyń adamdarymyz jáne óz memleketterimiz úshin barlyq jaýapkershilikti birdei sezinemiz. Biz azamattarymyzdyń ómir súrý sapasyn arttyrý úshin qolaily orta qamtamasyz etý úshin qoldan kelgenniń bárin isteimiz.
Únemi bailanystamyz, ártúrli formattarda kezdesemiz - ekijaqty kún tártibi boiynsha da, kópjaqty yntymaqtastyq máseleleri boiynsha da. Mundai bailanystar Resei-Qazaqstan ara-qatynasynyń deńgeiin tolyq kórsetedi.
Eń bastysy, bizdiń halyqtarymyz árqashan tatý kórshi jáne shynaiy dos bolǵan jáne bolyp qala beredi. Senim, ózara túsinistik pen kópqyrly tabysty yntymaqtastyqtyń baǵa jetpes dástúrlerin nyǵaita otyryp, biz basqalarǵa úlgi bolatyn memleketaralyq bailanystyń ozyq úlgisin sátti júzege asyratynymyzǵa senimdimin. Sondyqtan álemde qandai jaǵdai bolsa da, men odaqtastyq qarym-qatynastarymyz ben integratsiialyq áriptestigimizdiń bolashaǵyna senimmen qaraimyn", - dedi ol.
