Resei "Talibandy" tyiym salynǵan uiymdar qatarynan alyp tastaýǵa kúsh salady. Prezident Vladimir Pýtin bul jóninde "Valdai" pikirtalas klýbynyń plenarlyq sessiiasy kezinde aitty. Prezident birinshi kezekte muny BUU Qaýipsizdik keńesi jasaýy tiis dedi.
Kóptegen elderde, onyń ishinde Resei men Qazaqstanda, terroristik uiym retinde tanylǵan "Taliban" radikaldy qozǵalysy (Qazaqstanda jáne basqa da kóptegen elderde tyiym salynǵan) 15 tamyzda Aýǵanstan astanasy Kabýldy uryssyz basyp alǵan. Elden qashyp ketken prezident Áshraf Ǵani keiin "gýmanitarlyq apatqa jol bermes úshin" solai jasaýdy jón kórgenin aitqan. Aýǵanstan is júzinde tálipter baqylaýyna kóshken.
Batys elderi radikaldy qozǵalys biligin moiyndamaidy. Resei biligi ony resmi túrde moiyndamaǵanmen olardy Máskeýde qabyldap, jii kezdesý ótkizedi. Jýyrda ǵana Resei syrtqy ister ministri Sergei Lavrov Máskeýde "Taliban" delegatsiiasyn qabyldaǵan. Ol halyqaralyq arenadaǵy mártebesine qaramastan Aýǵanstan biligimen qarym-qatynas ornatý qajettigin atap ótken.
