رەسەي "تاليباندى" تىيىم سالىنعان ۇيىمدار قاتارىنان الىپ تاستاۋعا كٷش سالادى. پرەزيدەنت ۆلاديمير پۋتين بۇل جٶنٸندە "ۆالداي" پٸكٸرتالاس كلۋبىنىڭ پلەنارلىق سەسسيياسى كەزٸندە ايتتى. پرەزيدەنت بٸرٸنشٸ كەزەكتە مۇنى بۇۇ قاۋٸپسٸزدٸك كەڭەسٸ جاساۋى تيٸس دەدٸ.
كٶپتەگەن ەلدەردە, ونىڭ ٸشٸندە رەسەي مەن قازاقستاندا, تەرروريستٸك ۇيىم رەتٸندە تانىلعان "تاليبان" راديكالدى قوزعالىسى (قازاقستاندا جەنە باسقا دا كٶپتەگەن ەلدەردە تىيىم سالىنعان) 15 تامىزدا اۋعانستان استاناسى كابۋلدى ۇرىسسىز باسىپ العان. ەلدەن قاشىپ كەتكەن پرەزيدەنت ەشراف عاني كەيٸن "گۋمانيتارلىق اپاتقا جول بەرمەس ٷشٸن" سولاي جاساۋدى جٶن كٶرگەنٸن ايتقان. اۋعانستان ٸس جٷزٸندە تەلٸپتەر باقىلاۋىنا كٶشكەن.
باتىس ەلدەرٸ راديكالدى قوزعالىس بيلٸگٸن مويىندامايدى. رەسەي بيلٸگٸ ونى رەسمي تٷردە مويىنداماعانمەن ولاردى مەسكەۋدە قابىلداپ, جيٸ كەزدەسۋ ٶتكٸزەدٸ. جۋىردا عانا رەسەي سىرتقى ٸستەر مينيسترٸ سەرگەي لاۆروۆ مەسكەۋدە "تاليبان" دەلەگاتسيياسىن قابىلداعان. ول حالىقارالىق ارەناداعى مەرتەبەسٸنە قاراماستان اۋعانستان بيلٸگٸمەن قارىم-قاتىناس ورناتۋ قاجەتتٸگٸن اتاپ ٶتكەن.
