Resei prezidenti Vladimir Pýtin BAQ ókilderimen dástúrli baspasóz konferentsiiasynda 2018 jyly ótetin prezident sailaýyna ózin-ózi usynatynyn málimdedi, dep habarlaidy "Ult aqparat" Azattyqqa silteme jasap.
Ózin prezidenttikke usynýdaǵy maqsaty týraly saýalǵa Pýtin "bolashaqqa umtylǵan Resei" elin qurǵysy keletinin jáne infraqurylymdy, densaýlyq saqtaý men bilim berý salalaryn damytý qajetin aitty.
65 jastaǵy Vladimir Pýtin Reseidi 1999 jyldyń sońynan beri basqaryp keledi. Ol 13 jyl prezident qyzmetin, tórt jyl premer-ministr qyzmetin atqardy. Jeltoqsanda Pýtin tórtinshi ret prezident sailaýyna túsý nieti baryn málimdegen.
2018 jyly 18 naýryzda ótetin sailaýǵa sonymen qatar oppozitsioner Aleksei Navalnyi da túspek bolyp edi, biraq Ortalyq sailaý komissiiasy oǵan sot aiyptaý úkimin shyǵarǵanyn aityp, sailaýǵa túse almaitynyn eskertti. Biraq ol soǵan qaramastan aimaqtarda halyqpen kezdesip, sailaýaldy baǵdarlamasyn nasihattap júr.
