Foto: Nova.fr
Resei prezidenti Vladimir Pýtin azamattardy "Otan qorǵaýshy kúnimen" quttyqtap, Resei 2023 jyly iadrolyq qarýdy damyta túsedi dep málimdedi. Prezident beineúndeýi Kreml saitynda jariialandy, dep habarlaidy Azattyq.
Pýtin "jańa aýyr zymyrany bar "Sarmat" kesheniniń alǵashqy ushyrý qurylǵysy áskeri kezekshilikke shyqty" dep málimdegen.
Buǵan qosa, Resei "Kinjal" giperdybys zymyrandarynyń áýe keshenin óndirýdi toqtatpaidy, "Tsirkon" giperdybys zymyrandarynyń teńiz keshenderin armiiaǵa kóptep jetkize bastaidy. "Birneshe jylda Resei áskeri-teńiz flotyna taǵy úsh atom súńgýir kreiseri kiredi" dep málimdedi Pýtin.
"Resei áskeri sonymen birge jańa soqqy jasaý júiesi jáne barlaý men bailanys quraldaryn, drondar men artilleriia keshenderin alady" dedi ol.
RF prezidenti 21 aqpandaǵy joldaýynda da strategiialyq kúshterge kóbirek toqtalǵan. Alaida Pýtin ol kezde jańa "Sarmat" qurlyqaralyq ballistikalyq zymyrany daiyn ekenin aitpaǵan.
CNN telearnasynyń derekkózderi bul zymyran synaq kezinde sátsizdikke ushyraǵanyn málimdegen. Synaq AQSh prezidenti Djo Baiden Kievke saparlap barǵan ýaqytta ótken.
Sársenbide Resei memlekettik dýmasy men federatsiia keńesi iadrolyq qarýdy shekteý jóninde AQSh-pen jasalǵan kelisimdi ýaqytsha toqtatý týraly zań jobasyn maquldaǵan. Mundai usynys aitqan – Pýtinniń ózi.
Qujat iadrolyq oqtumsyqtar men olardy tasyǵyshtar sanyn shekteidi, elderge óz aýmaǵynan tys jerlerge strategiialyq iadrolyq qarý ornalastyrýǵa tyiym salady, iadrolyq raketalardy barlaý quraldarynan jasyrmaýǵa, memleketterdi ózge eldiń iadrolyq inspektorlaryna iadrolyq qarý bazalaryna kirýge jaǵdai jasaýǵa mindetteidi. Buǵan deiin Resei SIM "Máskeý oqtumsyqtar men tasyǵyshtar sanyn ázirshe qujatta kórsetilgen shekteýlerden asyrýǵa nietti emes" dep málimdegen.
