"Otkrytye media" basylymy "Pýtin riverasy boiynsha jolnusqa " dep atalatyn zertteýin jariialady. Onda Reseidiń Qara teńiz jaǵalaýyndaǵy Gelendjik qalasy mańyndaǵy "Pýtin saraiy" dep atalatyn nysanmen kórshi ornalasqan jyljymaityn múlikter men jer telimderi jaily aitylady.
Rosreestr málimetteri men jergilikti turǵyndardyń áńgimesine súienip jasalǵan zertteýde Idokopas múiisindegi "saraiǵa" (Aleksei Navalnyidyń zertteýi jariialanǵannan keiin Arkadii Rotenberg "saraidyń iesimin" dep málimdegen) jaqyn jerde "sán-saltanaty odan kem túspeitin, kúzeti myqty, saraiǵa jeteǵabyl ýsadbalar jaýynnan keiingi sańyraýqulaqtai qaptap ketken, olar prezidentke jaqyn júrgen adamdardyń ieliginde" dep aitylady.
"Otkrytye media" zertteýinde aty-jóni atalǵandardyń arasynda Gennadii Timchenko, Oleg Deripaska, Iýrii Kovalchýk pen Orys pravoslav shirkeýiniń basshysy patriarh Kirill bar.
"Pýtin saraiyna" (Rottenberg onda qonaqúi ashylady dep aitqan) basylym tilshilerin kirgizbegen. "Otkrytye media" anyqtaǵandai, Resei federaldyq qaýipsizdik qyzmetinen (FSB) "Kompleks" kompaniiasy ("saraiǵa" qatysy bar dúnie-múlik túgeldei sonyń atyna jazylǵan) jalǵa alynǵan jerdiń 119 gektary ańshy bazasyn ornalastyrýǵa bólingen. Navalnyidyń filminde ol jaily eshteńe aitylmaǵan.
