"وتكرىتىە مەديا" باسىلىمى "پۋتين ريۆەراسى بويىنشا جولنۇسقا " دەپ اتالاتىن زەرتتەۋٸن جارييالادى. وندا رەسەيدٸڭ قارا تەڭٸز جاعالاۋىنداعى گەلەندجيك قالاسى ماڭىنداعى "پۋتين سارايى" دەپ اتالاتىن نىسانمەن كٶرشٸ ورنالاسقان جىلجىمايتىن مٷلٸكتەر مەن جەر تەلٸمدەرٸ جايلى ايتىلادى.
روسرەەستر مەلٸمەتتەرٸ مەن جەرگٸلٸكتٸ تۇرعىنداردىڭ ەڭگٸمەسٸنە سٷيەنٸپ جاسالعان زەرتتەۋدە يدوكوپاس مٷيٸسٸندەگٸ "سارايعا" (الەكسەي ناۆالنىيدىڭ زەرتتەۋٸ جارييالانعاننان كەيٸن اركاديي روتەنبەرگ "سارايدىڭ يەسٸمٸن" دەپ مەلٸمدەگەن) جاقىن جەردە "سەن-سالتاناتى ودان كەم تٷسپەيتٸن, كٷزەتٸ مىقتى, سارايعا جەتەعابىل ۋسادبالار جاۋىننان كەيٸنگٸ ساڭىراۋقۇلاقتاي قاپتاپ كەتكەن, ولار پرەزيدەنتكە جاقىن جٷرگەن ادامداردىڭ يەلٸگٸندە" دەپ ايتىلادى.
"وتكرىتىە مەديا" زەرتتەۋٸندە اتى-جٶنٸ اتالعانداردىڭ اراسىندا گەنناديي تيمچەنكو, ولەگ دەريپاسكا, يۋريي كوۆالچۋك پەن ورىس پراۆوسلاۆ شٸركەۋٸنٸڭ باسشىسى پاتريارح كيريلل بار.
"پۋتين سارايىنا" (روتتەنبەرگ وندا قوناقٷي اشىلادى دەپ ايتقان) باسىلىم تٸلشٸلەرٸن كٸرگٸزبەگەن. "وتكرىتىە مەديا" انىقتاعانداي, رەسەي فەدەرالدىق قاۋٸپسٸزدٸك قىزمەتٸنەن (فسب) "كومپلەكس" كومپانيياسى ("سارايعا" قاتىسى بار دٷنيە-مٷلٸك تٷگەلدەي سونىڭ اتىنا جازىلعان) جالعا الىنعان جەردٸڭ 119 گەكتارى اڭشى بازاسىن ورنالاستىرۋعا بٶلٸنگەن. ناۆالنىيدىڭ فيلمٸندە ول جايلى ەشتەڭە ايتىلماعان.
