Reseidiń ortalyq sailaý komissiiasy Vladimir Pýtindi RF prezidenttigine kandidat retinde tirkeý týraly sheshim qabyldady, ol sailaýǵa ózin-ózi usynýshy retinde qatysady, dep habarlaidy TASS.
«Resei Federatsiiasynyń prezidenti qyzmetine kandidat retinde Vladimir Vladimirovich Pýtin tirkelsin», - dep jazylǵan RF OSK qaýlysynda.
Pýtinniń kandidattyqqa tirkelý jónindegi kýáligin onyń sailaýaldy shtabyndaǵy zańgerlik qyzmet jónindegi basshysy Sergei Kabyshev aldy. Onyń aitýynsha, Pýtin kandidat bolyp tirkelgen soń sailaý naýqany kezinde ýaqytsha demalysqa ketýge mindetti emes.
Memlekettik joǵary qyzmettegi tulǵaǵa zańdyq turǵydan ruqsat beriletinin aitqan ol, «joq. Ol qazir jumys istep turǵan prezident retinde óz mindetin atqara beredi», - dedi.
Aita keteiik, Pýtin kandidattyqqa tirkelgen úshinshi adam bolyp otyr. Buǵan deiin LDPR basshysy Vladimir Jirinovskii jáne KPRF partiiasynan Pavel Grýdinin tirkelgen. Olar parlamenttik partiialardyń atynan túskendikten ózderin qoldaý maqsatynda sailaýshylardan qol jinaýdan bosatyldy.
