Resei úkimeti Vashington AQSh-taǵy 2016 jylǵy sailaý kampaniiasy kezinde hakerlik shabýyl jasady dep aiyptap otyrǵan azamattardy AQSh-qa eshqashan bermeidi. Bul jóninde Resei prezidenti Vladimir Pýtin amerikalyq NBC telearnasyna bergen suhbatynda málimdedi.
"Olardyń Resei memleketi, Resei biligi atynan áreket etpegenin bilemin. Olardyń naqty ne istegeninen habarym joq. Eger olar birnárse istegen bolsa, amerikalyq áriptesterimiz bizge ol týraly materialdaryn, málimetterin kórsetsin, biz ony zertteimiz", - dedi Pýtin.
Vladimir Pýtin Resei hakerlerdi ekstraditsiialai ma degen suraqqa "Resei de AQSh siiaqty óz azamattaryn eshqashan ekstraditsiialamaitynyn" aitty.
Aqpannyń ortasynda AQSh-taǵy prezident sailaýyna Reseidiń kiligýin tergeýdi basqaratyn arnaiy prokýror Robert Miýller Reseidiń 13 azamaty men úsh kompaniiasyna "AQSh-qa qarsy astyrtyn sóz bailasty" jáne "alaiaqtyq jasady" dep aiyptaǵan. Aiyptylar arasynda biznesmen Evgenii Prigojinmen birge «Internet zertteýleri agenttigi» kompaniiasynyń 12 qyzmetkeri bar.
