Foto: Akorda.kz
Memleket basshysy Resei Prezidentimen keńeitilgen quramda kelissóz júrgizdi, dep habarlaidy "Ult aqparat" Aqordanyń resmi saityna silteme jasap.
Qasym-Jomart Toqaev pen Vladimir Pýtin eki memlekettiń resmi delegatsiialarynyń qatysýymen kelissóz ótkizdi.
Memleket basshysynyń aitýynsha, Resei Prezidentiniń Qazaqstanǵa sapary eki el arasyndaǵy qarym-qatynasty damytý perspektivasyn aiqyndaý turǵysynan erekshe mánge ie. Búginde strategiialyq seriktestik jáne odaqtastyq rýhyndaǵy ekijaqty yntymaqtastyq barlyq baǵytta tabysty damyp keledi.
– Eki eldiń damý joldaryn óz betinshe ári derbes tańdaýy qos tarapqa kedergi keltirmeidi, kerisinshe, bul teń quqyly jáne ózara tiimdi áriptestiktiń paidaly jaǵyn eselei túsedi. Muny Qazaqstanda da, Reseide de jaqsy túsinedi, – dedi Prezident.
Qasym-Jomart Toqaev birlesken kúsh-jigerdiń arqasynda Qazaqstan men Resei arasyndaǵy shekara eki el ekonomikalarynyń igiligi úshin belsendi jumys istep jatqanyna nazar aýdardy. Munyń naqty paidasyn shekara mańyndaǵy óńirlerde turatyn 25 millionǵa jýyq adam sezinip otyr.
– Ǵasyrlar boiy bir-birimen qońsylas ómir súrgen ata-babalarymyz dostyq, senim men tatý kórshilik qarym-qatynastyń myzǵymas qundylyqtaryn bizge amanat etti. Biz bul qundylyqtardy saqtap, kelesi urpaqqa jetkizýimiz kerek, – dedi Prezident.
Kelissóz barysynda taraptar ekijaqty ekonomikalyq kún tártibiniń negizgi aspektilerin jan-jaqty talqylady. Sondai-aq aldaǵy yntymaqtastyqtyń negizgi baǵyttaryn aiqyndap, densaýlyq saqtaý, energetika, kólik, aýyl sharýashylyǵy, sport jáne taǵy da basqa salalardaǵy yqpaldastyqty nyǵaitýdy kózdeitin birqatar ýaǵdalastyqqa qol jetkizdi.
Óz kezeginde Vladimir Pýtin dástúrli qonaqjailyǵy úshin Qasym-Jomart Toqaevqa alǵys aityp, shaǵyn quramdaǵy kelissózdiń nátijeli bolǵanyn atap ótti.
– Resei men Qazaqstan – jai ǵana emes, eń jaqyn odaqtastar. Mundai qarym-qatynas uzaq jyldar boiy qalyptasty. Halyqtarymyzdyń igiligine qaltqysyz qyzmet etetin bailanystarymyzdy nyǵaitý dástúrin jalǵastyryp otyrǵany úshin Qasym-Jomart Kemelulyna alǵys aitqym keledi, – dedi Resei Prezidenti.
Vladimir Pýtin aýyl sharýashylyǵymen qatar, bilim jáne ǵylym, joǵary tehnologiia, mashina jasaý, himiia ónerkásibi, ónerkásiptik óndiris siiaqty salalar yntymaqtastyǵymyzdyń basym baǵyttaryna ainalýǵa tiis dep sanaidy.
Kezdesý sońynda prezidentter Qazaqstan men Resei arasyndaǵy kópjaqty qatynastardy nyǵaitýǵa jáne Eýraziia keńistigindegi integratsiialyq úderisterdi ilgeriletýge qos tarap ta beiildi ekenin rastady.
