Resei prezidenti Vladimir Pýtin «Resei halqy Assambleiasy» búkilreseilik qoǵamdyq-memlekettik uiymyn qurý týraly Jarlyqqa qol qoidy, dep habarlaidy TASS agenttigi.
Qujat juma kúni Quqyqtyq aqparattyń resmi internet-portalynda jariialandy.
«Qoǵamdyq birlestikterdiń qatysýymen «Resei halqynyń Assambleiasy» búkilreseilik qoǵamdyq-memlekettik uiymyn qurý oryndy dep sanalsyn», - delingen Jarlyqta.
Uiym «memlekettik ulttyq saiasatty jetildirý, búkilreseilik azamattyq biregeilik pen ultaralyq kelisimdi nyǵaitýǵa járdemdesý maqsatynda» quryldy.
Assambleianyń quryltaishysy Ulttar isteri jónindegi federaldyq agenttik bolyp belgilendi. Uiym qyzmetiniń negizgi baǵyttary Resei Federatsiiasynyń 2025 jylǵa deiingi kezeńge arnalǵan memlekettik ulttyq saiasatynyń strategiiasyn iske asyrýǵa qatysý, Resei halyqtarynyń etnomádeni jáne tildik ártúrliligin saqtaý, baiyrǵy az halyqtardyń quqyqtaryn saqtaýǵa járdemdesý, shetelde turatyn otandastarǵa qoldaý kórsetýge qatysý jáne t. b. bolady.
