Resei prezidenti Vladimir Pýtin jeńil salmaqtaǵy UFC chempiony Habib Nýrmagomedovpen kezdesti. Kezdesýde faiterdiń ákesi ári bapkeri Abdýlmanal Nýrmagomedov te bolǵan. Bul týraly Resei Federatsiiasy basshynyń baspasóz qyzmeti habarlady, - dep jazady Sputnik.
"Jeńisińmen quttyqtaimyn. Ákeńdi osyndai ul ósirip, myqty sportshy etip tárbielegeni úshin quttyqtaǵym keledi", — dedi Pýtin.
Habib Nýrmagomedovtiń ákesi chempion kishkentai kezinde "buzyq bolǵanyn, biraq keiin ózgergenin" aitty.
Pýtin reseilik aralas jekpe-jek sheberiniń Makgregordy jeńgennen keiin tóbeles shyǵarǵanyna qatysty pikir aitty.
"Álbette, bul – kommertsiialyq sport, degenmen sporttyń aty sport. Sondyqtan munda da qaǵazǵa jazylǵan ǵana emes, jalpy sporttyq moraldyq erejelerdiń saqtalǵany jón dep sanaimyn, — deidi Vladimir Pýtin. — Aqshadan góri, jarnamadan góri sporttyń shyn idealy basty orynda bolsa degen úmittemin. Árine, muny birinshi kezekte qarsylasyńnyń komandasyna qatysty aitamyn. Durys qarym-qatynasqa, dostyqqa, sporttyq syilastyqqa jol taba bilgen jón (…). Óz qarsylastaryńmen básekeles bolsań da, jaqsy adami qarym-qatynas jasaityn bolasyń".
Sonymen qatar, Pýtin ákesinen Habibti qatty jazalamaýdy surady, óitkeni sportshy basty maqsatty oryndady – taitalasqan jekpe-jekte jeńiske jetti.
