Resei prezidenti Vladimir Pýtin balalarynyń saiasatqa aralaspaitynyn jáne Máskeýde qarapaiym ómir keship jatqanyn aitty, - dep habarlaidy RIA Novosti.
Halyqpen tikelei efir kezinde Resei Federatsiiasynyń prezidenti Vladimir Pýtin otbasy jaiynda aityp berdi.
"Meniń balalarym, qyzdarym qaýesetterge qaramastan, osynda, Reseide, Máskeýde turyp jatyr. Nemerelerim bar. Olar da qarapaiym ómir súrip jatyr. Qyzdarym ǵylymmen, bilim berýmen ainalysady. Eshqaida aralaspaidy, eshqandai saiasatqa, qalypty, qatardaǵy adamdar sekildi ómir súrýde. Nemerelerimniń keibiri balabaqshaǵa da baryp júr", - dep jaýap berdi Pýtin reseilikterdiń suraǵyna.
Prezident nelikten nemereleri týraly málimettiń ashyq bolýyn qalamaitynyn aitty.
"Olar bir hanzadalar siiaqty emes, qarapaiym bolyp óskenin qalaimyn. Ol úshin olar qarapaiym balalarmen aralasqany jón. Qazir aty men jasyn aitsam bolǵany, olarda maza bolmaidy. Bul balanyń damýyna ziian keltiredi. Meni durys túsinip, túsinistikpen qaraýlaryńyzdy suraimyn", - deidi Pýtin.
Degenmen Pýtin otbasyna qatysty bir málimetti ashyp aitty.
"Jaqynda ekinshi nemerem dúniege keldi", - dep bólisti qýanyshty jańalyǵyn Vladimir Pýtin.
