Resei prezidenti Vladimir Pýtin men Tájikstan prezidenti Emomali Rahmon tájik-aýǵan shekarasyn birlese qorǵaýdy kúsheitýge ýaǵdalasty.
Pýtin Dýshanbege 27 aqpanda Qazaqstannan barǵan. Rahmonmen kezdesýden soń ol jýrnalisterge Tájikstannyń Ortalyq Aziia aimaǵyndaǵy qaýipsizdik úshin "mańyzdy memleket" ekenin málimdedi. Resei prezidenti Rahmonmen kelissózde "tájik-aýǵan shekarasyn jáne Reseidiń ońtústik shekaralaryn birlese qorǵaý sharalaryn kúsheitýge" keliskenin aitty.
Tájikstannyń úsh jerinde 201 motoatqyshtar diviziiasynyń quramynda shamamen jeti myń reseilik sarbaz ornalasqan. Bir áskeri nysan Dýshanbe mańynda, qalǵan ekeýi - eldiń ońtústigindegi Kýliab jáne Qorǵan-Tóbe aýdandarynda ornalasqan. Bul úsheýi Reseidiń Tájikstandaǵy birtutas áskeri bazasyn quraidy.
Pýtin Ortalyq Aziia elderine saparyn 27 aqpanda Qazaqstannan bastaǵan.
