Resei prezidenti Vladimir Pýtin Ýkrainada soǵys bastalǵannan keiin Máskeýge sanktsiia salǵan elderge qarsy shekteý qoiý týraly jarlyqqa qol qoidy. Qujat ózge jaittarmen qatar "qara tizimge" engen elderge shikizat pen ónim satýǵa tyiym salady.
Jarlyq úkimetti on kún ishinde shekteý qoiatyn elderdi anyqtaýǵa mindetteidi. Olarmen osyǵan deiin jasalǵan kelisim boiynsha da mindetti oryndaýǵa, qarjy operatsiiasyn júrgizýge, jańa kelisim jasaýǵa tyiym salady.
Qujatqa qaraǵanda, erejelerdiń tek kompaniialar men memlekettik organdar ǵana emes, Reseidiń barlyq azamatyna qatysy bar. Jarlyqta shekteý sharalary "ulttyq múddeni qorǵaý maqsatynda" engizilip jatyr dep jazylǵan.
- Ýkrainada soǵys bastalǵannan keiin Resei Máskeýge sanktsiia salǵan elderdi "dostyq nieti joq" elderdiń tizimine engizgen. Olardyń arasynda AQSh, EO elderi, Japoniia, San-Marino, Mikroneziia bar.
- Máskeýge sanktsiia salǵan elder Reseidiń tabiǵi resýrstaryna táýeldilikti azaitýǵa tyrysyp jatyr. Atap aitqanda, Eýroodaq elderi Resei otynyna táýeldilikti azaitý máselesin qarastyrýda. Álemdik iri óndirýshiler de Resei kómiri, titan jáne ózge resýrstarynan bas tartatynyn habarlady.
