Sýret: videodan kadr
Ol áleýmettik jelide Resei prezidenti Vladimir Pýtinge qarata video joldap, Qazaqstanǵa kóńili tolmaitynyn jetkizgen, dep habarlaidy "Ult aqparat" Ulysmedia.kz portalyna silteme jasap.
Osy jyldyń naýryz aiynda Qonaev turǵyny Andrei Astahov Vladimir Pýtinge júgingen videosyn jariialaǵan. Beinerolikte er adam kórshi eldiń prezidentin kómektesýge shaqyryp, Qazaqstandaǵy jaǵdaiǵa riza emestigin aitqan. Áitpese eldi azamattyq soǵys kútip tur dep málimdepti. Sonymen qatar ol videoda Qazaqstan sheneýnikterine, onyń ishinde Prezidentke qarata qorqytyp-úrkitý sarynyndaǵy sóz aitqan.
"Vladimir Vladimirovich, kómektesińiz, qutqaryńyz. Meniń oiymsha, siz bizdi estisiz", - depti Astahov.
Buǵan pikir jazǵan azamattardyń keibiri túsinbestikpen qarasa, keibir paidalanýshylar IIM men UQK akkaýnttaryn belgilep ketken.
5 naýryzda er adam qamaýǵa alyndy. Kelesi kúni Qonaevta Astahovtyń soty ótti. Ol QR QK 174-babynyń 1-bóligi boiynsha áleýmettik alaýyzdyqty qozdyrdy dep aiyptaldy.
"Sot otyrysynda sottalýshy A. S. Astahov kinásin tolyq moiyndady. Bul áreketke ókinip, bas bostandyǵynan aiyrmaityn jaza taǵaiyndaýdy ótindi", - delingen sot sheshiminde.
Biraq sot Astahovtyń ótinishin elemedi. Pýtinge úndeýi úshin er adam endigi úsh jylyn qaýipsizdigi ortasha koloniiada ótkizedi.
Bir qyzyǵy, Astahov arnasynda tek segiz rolik bar eken. Jáne kópshiligi sheneýnikter jumysyn synaý, KSRO-ǵa degen saǵynyshyn jetkizgen mátinder. Er adamǵa berilgen úkimge qaramastan, jazba áli de qol jetimdi jáne 6000-nan astam qaralym jinady.
