Joǵary eýraziialyq ekonomikalyq keńestiń otyrysynda Resei Prezidenti klimattyq ózgeristermen Eýraziialyq ekonomikalyq aimaq aiasynda kúresýdi usyndy, dep habarlaidy "Ult aqparat".
«Klimattyń ózgerýine qarsy kúres jáne qorshaǵan ortany qorǵaý máseleleri boiynsha birlesken jumysty jandandyrý qajet. Ekologiialyq baǵyttaǵy halyqaralyq kúsh-jiger jahandyq tehnologiialyq transformatsiianyń draiverine ainalýda. Biz EAEO-nyń barlyq elderi jasyl tehnologiialardy ázirleýge jáne engizýge, sol salada ózderiniń innovatsiialyq jobalaryn iske asyrýǵa úlken qyzyǵýshylyq tanytyp otyrǵanyn kórip otyrmyz. Odaqta klimattyq derekter men tsifrlyq bastamalar bankin, onyń ishinde kómirtegi izin esepke alýǵa qatysty bastamalardy qalyptastyrý úshin jumys isteýdi usynamyz. Bul bankti ekologiialyq jaǵdaidy jaqsartýǵa baǵyttalǵan jobalarmen jumys isteitin qatysýshy elderdiń barlyq kompaniialary paidalana alar edi», - dedi Vladimir Pýtin.
Onyń aiýynsha, álemdegi turaqsyzdyqtar aiasynda áleýmettik mańyzy bar ónimder baǵasynyń kúrt aýytqytyp otyr.
«Biz seriktesterge osy saladaǵy jaǵdaidy qalypqa keltirý jónindegi reseilik bastamany qoldaǵany úshin alǵys aitamyz, bizde osy másele boiynsha naqty sheshimder bar. Atap aitqanda, jaqynda Eýraziialyq komissiia EAEO elderi arasyndaǵy baǵa saiasatyn qant naryǵynda shoǵyrlandyrýǵa baǵyttalǵan naqty sheshimder qabyldady», - dedi Vladimir Pýtin eýraziialyq ekonomikalyq keńes otyrysynda. Onyń aitýynsha, qajet bolǵan jaǵdaida ónimniń basqa túrleri boiynsha da jedel sharalar qabyldaý múmkindigi bar», - dedi Vladimir Pýtin.
