Pýtin keshirim surady. Peskov muny joqqa shyǵardy

Pýtin keshirim surady. Peskov muny joqqa shyǵardy


Vladimir Pýtin Resei SIM basshysy Sergei Lavrovtyń sózderi úshin keshirim surady. Bul týraly Izrail premer-ministri Naftali Bennettiń keńsesindegiler Izrail premeri men RF prezidenti arasyndaǵy telefon arqyly bolǵan áńgimede aitylǵanyn málimdedi, - dep habarlaidy Tengrinews.kz tilshisi.

Premer-ministrdiń keńsesi áńgimelesý nátijeleri týraly bylai dep habar taratty: "Olar Resei syrtqy ister ministriniń málimdemelerin talqylady. Pýtin premer-ministrden Lavrovtyń sózi úshin keshirim surady, premer onyń keshirimin qabyl aldy. Premer prezidenttiń evrei halqyna kózqarasy men Holokostqa qurmeti úshin alǵys aitty".

Sonymen qatar, kóshbasshylar Ýkrainadaǵy jaǵdaidy talqylaǵan, naqtyraq aitsaq, "Azovstal" zaýytynan evakýatsiialaý sóz bolypty.

"Prezident Pýtin beibit turǵyndardy, onyń ishinde jaraqat alǵandardy BUU men Qyzyl Krest dálizi arqyly evakýatsiialaýǵa ýáde berdi", - delingen Izrail tarapy taratqan habarda.

Munymen qatar, reseilik "MK" basylymynyń jazýyna qaraǵanda, Resei prezidentiniń baspasóz hatshysy Dmitrii Peskov "Vladimir Pýtin men Naftali Bennet RF SIM basshysy Sergei Lavrovtyń atyshýly málimdemelerin talqylady ma" degen suraqqa áńgime taqyryptary Kreml baspasóz qyzmeti taratqan habarlamada atap ótilgenin aityp jaýap berdi. Biraq bul habarlamada mundai taqyryp bolmaǵan. 

Túsindire keteiik. Bul daý RF SIM basshysy Sergei Lavrovtyń italiialyq "Mediaset" telekompaniiasyna bergen suhbatyndaǵy málimdemesinen shyqqan. Onda sheneýnik mynadai daýly sóz aitqan bolatyn: "qatelesýim múmkin, biraq Gitlerdiń de qanynda evrei qany bolǵan". Sondai-aq, ol kóp jaǵdaida evreilerdiń ózi antisemit bolyp shyǵatynyn málimdegen. Budan keiin Bennet mundai málimdeme aitylýyna jol berilmeýi keregin atap ótken.