Resei Prezidenti Vladimir Pýtin Qazaqstanǵa atom elektr stansasyn qalýǵa járdem berýge daiyn ekendigin aitty, dep habarlaidy QazAqparat.
«Qazaqstandyq áriptesim ári dosym beibit atom salasyna qatysty aitqan bolatyn. Biz kórshilerimizdiń, dostarymyzdyń, onyń ishinde Qazaqstannyń da atom energetikasyn damytý jónindegi josparlaryn jiti qadaǵalap otyramyz. Qazaqstan Prezidenti aitqan usynysty tujyrymdaýǵa tyrysyp kóreiin.
Resei seriktesterine, onyń ishinde qazaqstandyqtarǵa atom elektr stansasyn salý jáne paidalanýda járdemdesýdi ári qoldaý kórsetýdi usynady. Eger sizder mundai sheshim qabyldaityn bolsańyzdar», - dep atap ótti Resei Prezidenti XVII Qazaqstan men Resei óńiraralyq yntymaqtastyq forýmynda.
Onyń atap ótýinshe, sóz respýblikada tek atom elektr stansasyn salý ǵana emes sonymen qatar aýqymdy sala qurý jaiynda bolyp otyr.
«Sóz reseilik joǵary oqý oryndarynda atom energetikasymen bailanysty jańa mamandyqtarǵa kadrlardy oqytýdy qamtityn tolyqtai sala qurý jaiynda bolyp otyr. Atom elektr stansasynyń aýanyń lastanýyna yqtaly óte tómen. Reseilik mamandar kezeń-kezeńimen atmosferaǵa júktemeni tómendetip, tehnologiialardy jetildirýde. Tiimdi gaz tazalaý qondyrǵylaryn paidalanýǵa engizip te jatyr. Jalpy, Resei men qazaqstannyń ekologiia jáne jasyl ósim salasynda birlese jumys isteýi úshin zor keleshek bar ekendigin taǵy qaitalaǵym keledi. Oǵan elderimizdiń barlyq óńiri belsendi túrde qosylady dep úmittenemin», - dedi Vladimir Pýtin.
