رەسەي پرەزيدەنتٸ ۆلاديمير پۋتين قازاقستانعا اتوم ەلەكتر ستانساسىن قالۋعا جەردەم بەرۋگە دايىن ەكەندٸگٸن ايتتى, دەپ حابارلايدى قازاقپارات.
«قازاقستاندىق ەرٸپتەسٸم ەرٸ دوسىم بەيبٸت اتوم سالاسىنا قاتىستى ايتقان بولاتىن. بٸز كٶرشٸلەرٸمٸزدٸڭ, دوستارىمىزدىڭ, ونىڭ ٸشٸندە قازاقستاننىڭ دا اتوم ەنەرگەتيكاسىن دامىتۋ جٶنٸندەگٸ جوسپارلارىن جٸتٸ قاداعالاپ وتىرامىز. قازاقستان پرەزيدەنتٸ ايتقان ۇسىنىستى تۇجىرىمداۋعا تىرىسىپ كٶرەيٸن.
رەسەي سەرٸكتەستەرٸنە, ونىڭ ٸشٸندە قازاقستاندىقتارعا اتوم ەلەكتر ستانساسىن سالۋ جەنە پايدالانۋدا جەردەمدەسۋدٸ ەرٸ قولداۋ كٶرسەتۋدٸ ۇسىنادى. ەگەر سٸزدەر مۇنداي شەشٸم قابىلدايتىن بولساڭىزدار», - دەپ اتاپ ٶتتٸ رەسەي پرەزيدەنتٸ XVII قازاقستان مەن رەسەي ٶڭٸرارالىق ىنتىماقتاستىق فورۋمىندا.
ونىڭ اتاپ ٶتۋٸنشە, سٶز رەسپۋبليكادا تەك اتوم ەلەكتر ستانساسىن سالۋ عانا ەمەس سونىمەن قاتار اۋقىمدى سالا قۇرۋ جايىندا بولىپ وتىر.
«سٶز رەسەيلٸك جوعارى وقۋ ورىندارىندا اتوم ەنەرگەتيكاسىمەن بايلانىستى جاڭا ماماندىقتارعا كادرلاردى وقىتۋدى قامتيتىن تولىقتاي سالا قۇرۋ جايىندا بولىپ وتىر. اتوم ەلەكتر ستانساسىنىڭ اۋانىڭ لاستانۋىنا ىقتالى ٶتە تٶمەن. رەسەيلٸك ماماندار كەزەڭ-كەزەڭٸمەن اتموسفەراعا جٷكتەمەنٸ تٶمەندەتٸپ, تەحنولوگييالاردى جەتٸلدٸرۋدە. تيٸمدٸ گاز تازالاۋ قوندىرعىلارىن پايدالانۋعا ەنگٸزٸپ تە جاتىر. جالپى, رەسەي مەن قازاقستاننىڭ ەكولوگييا جەنە جاسىل ٶسٸم سالاسىندا بٸرلەسە جۇمىس ٸستەۋٸ ٷشٸن زور كەلەشەك بار ەكەندٸگٸن تاعى قايتالاعىم كەلەدٸ. وعان ەلدەرٸمٸزدٸڭ بارلىق ٶڭٸرٸ بەلسەندٸ تٷردە قوسىلادى دەپ ٷمٸتتەنەمٸن», - دەدٸ ۆلاديمير پۋتين.
