Foto: Aqorda
Vladimir Pýtinniń aitýynsha, bul taqyryp kelissózder barysynda jan-jaqty talqylanǵan.
«Qazaqstan atom energetikasy salasyndaǵy jobalaryn júzege asyratyn bolsa, kez kelgen tapsyrys berýshi retinde ózi úshin eń qolaily tehnologiialyq sheshimder men qarjylyq shemalardy tańdaýǵa quqyly», — dedi ol.
Pýtin «Rosatomnyń» álemdegi eń iri kompaniialardyń biri ekenin atap ótti. Onyń sózinshe, kompaniia tek atom stansasyn salyp qana qoimai, sol elde tolyqqandy salany damytady.
«Biz kadrlardy daiarlaimyz, qajetti materialdardy jetkizemiz, paidalanylǵan otyndy qaitaramyz jáne atom ǵylymyn damytýǵa kómektesemiz. Qazaqstandyq áriptesterimiz bul salada tájiribeli. Olar ýran óndirý kásiporyndary men basqa da obektilerge ie, sondyqtan ózderine ne keregin jaqsy biledi», — dedi ol.
Pýtin Qazaqstan birlesken jumysqa qyzyǵýshylyq tanytsa, mundai yntymaqtastyq múmkin ekenin aitty.
